Янгиланган сайлов тақвимига мувофиқ, парламент сайловлари ҳам шу куни бўлиб ўтади. Президент сайловининг иккинчи босқичи ва маҳаллий сайловлар эса 2027 йил 4 октябрь кунига белгиланган.
Кенгаш 5 октябрда тарқатган баёнотида сайлов тақвимини қайта кўриб чиқиш режаси борлигини маълум қилган эди. Ўшанда сайлов кампаниясининг биринчи босқичи бошланиши кейинга қолдирилганди. Кампания айнан шу куни бошланиши керак эди.
2021 йил июль ойида Жовенель Моиз суиқасд натижасида ўлдирилганидан буён Гаитиде президент сайланмаган. Мамлакатдаги узоқ давом этаётган сиёсий инқироз ва қуролли гуруҳларнинг зўравонликлари туфайли сайлов ўтказишга бўлган бир неча уриниш муваффақиятсиз якунланган.
2024 йил апрель ойида ташкил этилган Муваққат президентлик кенгаши жорий йилнинг 7 февралида ваколат муддати тугагунига қадар президентлик вазифаларини бажариб келди. Шундан сўнг ушбу ваколатлар Бош вазир Аликс Дидье Филс-Эме бошчилигидаги Вазирлар кенгашига ўтказилди.