Миллий терма жамоа “А” гуруҳида иштирок этади. Рақиблар Руминия, Озарбайжон ва Голландия терма жамоалари.
Бугунги ўйинда қозоғистонлик футзалчилар дастлабки дақиқалардаёқ ихчам ҳаракат қилишди. Натижада 2-дақиқада Жуниор Дуглас ҳисобни очди. Рақиблар битта гол билан жавоб қайтаришди.
Шундан сўнг Альберт Ақбалиқов 11, Эдсон Гомеш 16-дақиқада Қозоғистон терма жамоаси ҳисобини оширди. 20-дақиқада эса Биржан Оразов мерганлик қилди.
Кейинчалик рақиб жамоа дарвозабонни бешинчи ўйинчига алмаштирди ва иккита гол уришга муваффақ бўлди.
Шу тариқа Қозоғистон миллий терма жамоаси 4:3 ҳисобида ғалаба қозонди.
Муаллиф: Адилжан Умбет