ҚР Маданият ва ахборот вазирлиги матбуот хизматининг маълум қилишича, кино кунлари таниқли режиссёр Абдолла Қарсақбаевнинг «Олти ёшар Алпамис» фильми билан бошланди. Режиссёр таваллудининг 100 йиллиги муносабати билан фильмнинг 4K форматида реставрация қилинган версияси намойиш этилди.
Замонавий қозоғистонлик киноси «Qaitadan» ва «Игроманка» фильмлари орқали таништирилади. Ҳар икки фильм ҳам давлат кўмаги асосида суратга олинган.
Француз томошабинлари Қозоғистон киноси кунлари доирасида миллий кинематографиянинг турли йилларда суратга олинган асарларини томоша қиладилар.
Дастурдан қозоқ киносининг классик асарлари билан бир қаторда, янги авлод муаллифларининг сўнгги йиллардаги ишлари ҳам ўрин олган.
Шунингдек, дастур доирасида қозоғистонлик кинематографистлар француз томошабинлари билан ижодий учрашувлар ўтказиб, икки мамлакат кино соҳасидаги профессионал алоқалар ва маданий мулоқотни ривожлантириш масалаларини муҳокама қиладилар.