Франция ҳукумати ёнғинда 11 нафар катта ёшли одам ҳалок бўлган бўлиши мумкинлигини айтди.
Мамлакат ички ишлар вазири Жеральд Дарманен Twitterда бугун эрталаб Германия чегараси яқинидаги Винценхайм кичик шаҳарчасидаги ногиронлар учун мўлжалланган муассасада ёнғин чиққанини ёзди.
«Афсуски, қурбонлар бор», – деди у.
Юқори Рейн минтақаси маҳаллий маъмурияти ёнғин Винценхаймдаги ногиронлар учун мўлжалланган хусусий дам олиш уйида эрталаб соат 6:30 да бошланганини айтди. 17 киши эвакуация қилинган, 1 киши касалхонага ётқизилган.
Воқеа жойига Франция бош вазири Элизабет Борн келди.