«Марина-Бей» шаҳар трассасида нидерландиялик пойгачи 62 даврани 1 соат 42 дақиқа 0,785 сонияда босиб ўтди. Ферстаппеннинг энг яқин рақиби Ferrari жамоаси вакили Шарль Леклер бўлди. Монаколик пойгачи ғолибдан 7,335 сония ортда қолди. Учинчи бўлиб Mercedes жамоаси вакили Кими Антонелли маррага етиб келди. Унинг ортда қолиши 24,573 сонияни ташкил этди.
Ғалабага қарамай, Ферстаппен чемпионатнинг шахсий ҳисоби бўйича ҳозирча тўртинчи ўринда бормоқда. Унинг ҳисобида 221 очко бор. Антонелли 340 очко билан пешқадамлик қилмоқда. Ундан кейин Жорж Расселл (238 очко) ва Льюис Хэмилтон (229 очко) жойлашган. Леклер 215 очко тўплаб, бешинчи ўринни эгаллаб турибди.
Конструкторлар кубогида 578 очко билан Mercedes жамоаси пешқадамлик қилмоқда. Ferrari 444 очко, McLaren 339 очко, Red Bull 332 очко ва Racing Bulls 100 очко тўплаган.
Мавсумнинг навбатдаги пойгаси 25 октябрда АҚШда бўлиб ўтади.