Эронда нефтни қайта ишлаш заводи ёнмоқда

NUR-SULTAN. Kazinform – Эрондаги нефтни қайта ишлаш заводида бўлган ёнғин ҳолати тўлиқ назорат остида ва мамлакатдаги нефтни қайта ишлаб чиқаришда узилишлар бўлмаган. Бу ҳақда Kazinform мухбири IRNA агентлигига асосланиб, хабар беради.

Теҳронда нефтни қайта ишлаш заводида катта ёнғин чоршанба кун кечқурун бошланган. Тилсиз душманни бўйсундириш учун ўт ўчирувчилар юборилди. Воқеа жойига келган Эрон Нефт вазири Бижан Занганенинг таъкидлашича, ёнғин Нефтни қайта ишлаш заводининг иккита резервуарида нефтнинг камайиши оқибатида келиб чиққанини маълум қилди. Унинг сўзларига кўра, резервуарлар ишлаб чиқариш жараёнида катта роль ўйнамаган.

Эрон вазири вазиятнинг хавфли эмас эканлигини таъкидлаб, «албатта, резервуарларда жуда кўп оғир углеводородлар бор, улар кўп тутун чиқармоқда, аммо жуда кўп тутун муҳим нарса содир бўлганлигини англатмайди», - дея қўшимча қилди. Занганенинг айтишича, Нефтни қайта ишлаш заводи эртага ишлаб чиқаришни давом эттириши мумкин.

Теҳрон Нефтни қайта ишлаш заводи мамлакатдаги энг йирик нефтни қайта ишлаш заводларидан бири бўлиб, Эроннинг нефтни қайта ишлаш қувватининг тахминан 15 фоизини етказиб беради. Завод бензин, дизел ёқилғиси, газ мойи, мазут ва бошқа маҳсулотлар ишлаб чиқаради. У Теҳрон вилоятининг жанубий қисмида жойлашган.