“Шунингдек, энг кам иш ҳақи миқдорини босқичма-босқич оширишда давом этамиз. Ҳукуматга энг кам иш ҳақи миқдорини 85 минг тенгедан 110 минг тенгегача оширишни топшираман”, — деди Қасим-Жомарт Тоқаев.
Президентнинг таъкидлашича, ушбу вазифа келгуси йилнинг 1 январидан бошлаб амалга оширилиши керак.
“Бу 1,8 миллион кишининг, жумладан, бюджетдан иш ҳақи оладиган 370 мингдан ортиқ ходимнинг даромадини оширишга хизмат қилади”, — деди Давлат раҳбари.
Аввалроқ Президент Қасим-Жомарт Тоқаев Қурултой йиғилишида «Янги тарихий даврдаги Қозоғистоннинг долзарб вазифалари» номли Мурожаатномасини эълон қилаётгани ҳақида хабар берган эдик.