Елена Рибакина Доҳада АҚШ чемпионати финалчисини мағлуб этиб, ярим финалга чиқди

DOHA. Kazinform – Қозоғистоннинг биринчи, дунёнинг 4-ракеткаси Елена Рибакина Доҳа (Қатар) шаҳрида ўтказилаётган WТА 1000 турнирининг ярим финалига чиқди.

Қозоғистонлик теннисчи чорак финалда дунёнинг 38-ракеткаси, 2021 йилги АҚШ очиқ чемпионати финалчиси канадалик Лейла Фернандес билан ўйнади.

Бу икки теннисчининг биринчи учрашуви эди.

Канадалик теннисчи биринчи партияда олдинга чиқиб олди - 4:1. Бироқ шундан кейин Рибакина кетма-кет бешта геймда ғалаба қозонди - 6:4.

Иккинчи сетда ҳисоб 3:2 бўлиб турган пайтда Елена брейкни амалга оширишга муваффақ бўлди. Ниҳоят, у учрашувни навбатдаги брейк билан якунлади - 6:2.

Бир соату 34 дақиқа давом этган мусобақада Рибакина 6 эйс билан бирга 11 та брейк-пойнтдан бештасини қайд этди. Л. Фернандес 1 эйс, 2 брейк (6 брейк-пойнт)дан ошиб кета олмади.

Елена Рибакина финалга чиқиш учун Ролан Гаррос-2021 турнири финалчиси, дунёнинг 32-ракеткаси россиялик Анастасия Павлюченкова билан куч синашади. Чорак финалда у 63-ўриндаги америкалик Даниэль Коллинздан устун келди - 7:5, 6:4.