Дунёнинг экс-биринчи ракеткаси судланди

Барселона суди собиқ теннисчи ва дунёнинг экс-биринчи ракеткаси Аранча Санчес-Викариони фирибгарлик иши бўйича икки йиллик қамоқ жазосига ҳукм қилди. Бу ҳақда Ua-football.com Каталония Олий суди ёзган. 

А. Санчес-Викарио Люксембург банкига 6,6 млн евродан ортиқ товон пули тўласа, суд жазосидан қутулиши мумкин.

Тергов маълумотларига кўра, теннисчи ва унинг собиқ эри Хосеп Сантакан Люксембург банкига қарзини тўламаслик учун ўз активларини яширган.

Прокуратура Аранча Санчес-Викариони тўрт йилга озодликдан маҳрум қилишни сўраган.

Санчес Викарио яккалик ва жуфтлик баҳсларида дунёда биринчи ўринни эгаллаган. У "Катта дубулға" туркумига кирувчи 14 та турнир, шунингдек, Олимпия ўйинларида иккита кумуш ва иккита бронза медалини қўлга киритган эди.