Дмитрий Попко Мексикадаги турнирнинг чорак финалига чиқди

ASTANA. Kazinform — Қозоғистонлик, дунёнинг 175-ракеткаси Дмитрий Попко Морелос (Мексика) “челленджер” турнирининг чорак финалига йўлланма олди.

Қозоғистонлик теннисчи иккинчи даврада дунё рейтингида 497-ўринни эгаллаб турган германиялик Макс Вискандтга қарши кортга чиқди.

Германиялик спортчи жаҳон рейтингида анча пастда жойлашган бўлишига қарамай, баҳс жуда кескин курашлар остида ўтди.

Биринчи ўйинда Попко 7:5 ҳисобида устун келган бўлса, иккинчи ўйинда Вискандт тай-брейкда ғалаба қозонди — 7:6 (7:4).

Учинчи, ҳал қилувчи сетдаги тай-брейкда Дмитрий ракибини 7:6 (7:5) ҳисобида мағлуб этди.

Икки соату 51 дақиқа давом этган ўйинда Попко 10 та эйс кўрсатиб, 8 та брейк-пойнтдан 3 тасида ғалаба қозонди. Вискандт 6 та эйс, 2 та брейк (5 та брейк-пойнт) билан чекланди.

Дмитрий Попко ярим финалга чиқиш учун дунё рейтингида 155-ўринни эгаллаб турган аргентиналик Хуан Пабло Фикович билан куч синашади.