Дэвис кубоги: Қозоғистон Покистонни мағлуб этди

ASTANA. Kazinform – Қозоғистон терма жамоаси Астана шаҳрида Дэвис кубоги плей-офф ўйинида Покистонни мағлуб этди.

Жуфтликлар баҳсида қозоғистонлик теннисчилар: Александр Шевченко ва Тимофей Скатов покистонлик Акел Хан ва Музамиль Муртазога қарши кортга чиқди.

Фото: ҚТФ

Дастлабки ўйинда ҳисоб 3:3 бўлганида қозоғистонлик жуфтлик брейк қилди ва устунликни сақлаб қолди – 6:4.

Иккинчи сетда майдон эгалари 3:1 ҳисобида олдинга чиқиб олди. Якуний ҳисоб – 7:6 (7:1).

Шиддатли беллашув 1 соат 45 дақиқа давом этди.

Шу тариқа 3:0 ҳисоби қайд этилди ва Қозоғистон терма жамоаси ғалаба қозонди.

Фото: ҚТФ

Ўйиннинг қолган натижалари ҳеч нарсани ҳал қилмайди.