Денис Евсеев Испаниядаги асосий мусобақага йўлланма олди
12:54, 26 Март 2024
ASTANA. Kazinform – Қозоғистонлик теннисчи, жаҳоннинг 184-ракеткаси Денис Евсеев Жирона (Испания) шаҳрида ўтказилаётган челленжер турнирининг саралаш баҳсларини муваффақиятли якунлади.
Қозоғистонлик теннисчи саралаш баҳсларининг финалида дунё рейтингида 327-ўринни эгаллаб турган Руминия вакили Сезар Крецу билан тўқнаш келди.
Д.Евсеев биринчи партияда 3:6 ҳисобида мағлуб бўлган бўлса-да, камбэк амалга оширишга муваффақ бўлди – 6:3, 7:5.
Шу тариқа, Денис Евсеев асосий мусобақага йўлланма олди.