Олий мартабали меҳмонлар ривожланишида нуқсонлари бўлган болаларга комплекс ёрдам кўрсатиш тартиби билан танишдилар.
Бельгияликлар Қироли ва Қироличасига алоҳида эҳтиёжга эга болаларнинг мулоқот кўникмаларини, билиш қобилиятини ҳамда мустақил ҳаракат қилиш имкониятларини ривожлантиришга қаратилган тиббий, психологик-педагогик реабилитация ва ижтимоий мослаштиришнинг замонавий усуллари ҳақида маълумот берилди.
Шахсий реабилитация дастурларида роботлаштирилган реабилитация технологияларидан ҳам фойдаланилади.
Марказ фаолиятида ижтимоий интеграцияга, шунингдек, болаларнинг жамият ҳаётидан четда қолмаслиги ва тўлақонли ҳаёт кечириши учун шароит яратишга алоҳида эътибор қаратилади.
Қирол Филипп ва Қиролича Матильда болалар, уларнинг ота-оналари ҳамда тиббиёт ходимлари билан суҳбатлашиб, интерактив дастурда иштирок этдилар.
Шундан сўнг меҳмонлар Фахрий меҳмонлар китобига эсдалик ёзувини қолдирдилар.
Миллий болаларни реабилитация қилиш маркази психоневрологик касалликларга чалинган, нутқида, когнитив ривожланишида ва хулқ-атворида бузилишлар мавжуд бўлган, жумладан, болалар церебрал фалажи ҳамда аутизм спектри бузилишларига эга болаларга комплекс ёрдам кўрсатади.
Ҳар йили Қозоғистоннинг барча ҳудудларидан келган 5 мингдан ортиқ беморга реабилитация хизматлари кўрсатилади.
Эслатиб ўтамиз, Давлат раҳбари Қасим-Жомарт Тоқаев ва Бельгияликлар Қироли Филипп Ақордада оммавий ахборот воситалари вакиллари учун брифинг ўтказдилар.