Чимкентда 35 минг ўринли мамлакатдаги энг йирик стадионнинг тамал тоши қўйилди
ŞYMKENT. Кazinform - Чимкентда энг йирик халқаро стадионнинг тамал тошини қўйиш маросими бўлиб ўтди. Унда шаҳар ҳокими Ғабит Сиздиқбеков ва бир қатор футболчилар иштирок этди.
Фото: Жансая Тауекелқизи
Мазкур спорт иншооти “Бўзариқ-2” кичик тумани ҳудудида жойлашган. Қурилиши жорий йилда бошланадиган аренанинг майдони 21 гектар бўлиб, 35 минг томошабинга мўлжалланган. Стадион қурилишини 2026 йилнинг ўрталарида якунлаш режалаштирилган.
Фото: Жансая ТауекелқизиФото: Жансая Тауекелқизи
Қайд этиш керакки, бугунги кунда шаҳарда Қажимуқан Мунайтпасов номидаги биттагина “Марказий” стадиони мавжуд. Ушбу спорт иншооти 1969 йилда фойдаланишга топширилган. Сиғими - 18 минг ўрин. Совет даврида "Октябрнинг 50 йиллиги" деб номланган. СССР чемпионатларида Чимкентнинг “Металлург”, “Мелиоратор”, “Синтез”, “Дўстлик” клублари ўз майдонларида учрашувларини ўтказишди. Кейинчалик, 2003 йилдан бошлаб у маҳаллий "Ордабаси" клубининг асосий аренасига айланди.
Фото: Жансая ТауекелқизиФото: Жансая Тауекелқизи
Чимкент ҳокими Давлат раҳбари Қасим-Жомарт Тоқаевга шаҳарни 2023 йилда ижтимоий-иқтисодий ривожлантириш тўғрисидаги ҳисоботни тақдим этар экан, шаҳар учун замонавий стадион зарурлигини маълум қилди. Ўшанда Президент жорий йилда янги стадион қурилишини бошлаш бўйича топшириқ берган эди.
Бекабат Узаков(Бегабат Ұзақов) Қазақстан Жазушылар одағының мүшесі, Ғ. Мүсірепов атындағы сыйлықтың лауреаты. Шығармалары 1987 жылдан бастап баспасөзде жарияланады. Бірнеше прозалық кітаптардың авторы. Ташкент мемлекеттік университетінің журналистика факультетін бітірген. Туындылары мен өмірбаяны Қазақстанда қазақ тілінен басқа тілдерде оқытатын мектептердің 7-сыныбына арналған “Қазақ тілі және әдебиетінде”, Өзбекстанда ЖОО-ларға арналған оқулықта оқытылуда. 2023 жылы жазушының 50 жасқа толуына орай “Биікке беттеген Бегабат” атты кітап жарық көрді. Қарақалпақстан, Өзбекстан, Қазақстан мерзімді басылымдарында қызмет еткен. 2021 жылдан бері “ҚазАқпарат” халықаралық ақпарат агенттігінде шығарушы редактор.