Чемпионлар лигаси: "Ливерпуль" кетма-кет олтита ўйинда ғалаба қозонди

ASTANА. Кazinform — УEФА Чемпионлар лигаси асосий босқичи 6-туридан ўрин олган биринчи ўйин куни бўлиб ўтди.

Бу йилги турнирда 36 та жамоа илк бор иштирок этмоқда. Жамоалар янги ишлаб чиқилган версия бўйича рақобатлашади.

Олтинчи тур иккита ўйин билан старт олди. Дастлаб Испаниянинг “Жирона” жамоаси Англиянинг “Ливерпуль” клубига қарши майдонга чиқди. Бунгача бирорта очко йўқотмаган инглиз клуби бу сафар ҳам қоқилмади. Учрашув тақдирини 63-дақиқада Муҳаммад Салоҳнинг пенальтидан урган тўпи ҳал қилди. Шу тариқа, “Ливерпуль” рақибини 1:0 ҳисобида мағлуб этиб, олти ўйиннинг барчасида ғалаба қозонди ва мусобақанинг кейинги босқичига йўл олди. “Динамо Загреб” (Хорватия) – “Селтик” (Шотландия) учрашувида эса ҳисоб очилмади. Ҳар икки жамоани 0:0 ҳисоби қониқтирди.

Иккинчи давранинг биринчи кунида ушбу икки ўйиндан ташқари яна еттита учрашув бўлиб ўтди. Бельгиянинг “Брюгге” жамоаси Португалиянинг “Спортинг Лиссабон” жамоасини 2:1, Франциянинг “Брест” (Франция) футбол клуби Нидерландия шарафини ҳимоя қилаётган ПСВ клубини 1:0 ҳисобида мағлуб этди.

“Аталанта” (Италия) ва “Реал Мадрид” (Испания) ўртасидаги ўйин 2:3 ҳисобида қироллик клуби фойдасига ҳал бўлди. “Байер” (Германия) клуби “Интер” (Италия) жамоасини 1:0 ҳисобида мағлуб этди. Австриянинг “Зальцбург” клуби Франциянинг “Пари Сен-Жермен”ига 0:3, Украинанинг “Шахтёр”и “Бавария”га 1:5, Германиянинг “Лейпциг”и Англиянинг “Астон Вилла”сига 2:3 ҳисобида имкониятни бой берди.

Иккинчи ўйин куни 11 декабрь соат 22:35да “Атлетико Мадрид” (Испания) ва “Слован” (Швейцария), 00:50да эса “Ювентус” (Италия) ва “Манчестер Сити” (Англия) учрашади. Ушбу икки учрашув «Qazsport» телеканали орқали жонли эфирда намойиш этилади.

Шунингдек, “Боруссия Дортмунд” (Германия) – “Барселона” (Испания) ўртасидаги ўйинни соат 00:50 да «Qazaqstan» телеканали орқали жонли эфирда томоша қилиш мумкин.

Бундан ташқари, “Лилль” (Франция) ва “Штурм” (Австрия), “Арсенал” (Англия) ва “Монако” (Франция), “Бенфика” (Португалия) ва “Болонья” (Италия), “Фейеноорд” (Нидерландия) ва "Спарта Прага" (Чехия), "Милан" (Италия) ва "Црвена Звезда" (Италия), "Штутгарт" (Германия) ва "Янг Бойз" (Швейцария) ўйнайди.

Эслатиб ўтамиз, УEФА Чемпионлар лигасининг асосий босқичи 6-тур ўйинларига старт берилиши ҳақида ёзган эдик.