Бугун Қозоғистонда доллар курси арзонлашди
16:52, 14 Июн 2022
ALMATY. Kazinform – Қозоғистон фонд биржаси (KASE)даги бугунги савдолар якунларига кўра, доллар тенгега нисбатан бироз арзонлашди, деб хабар беради Kazinform мухбири.
KASE фонд бозоридаги кунлик савдо якунларига кўра, доллар курси 0,42 тенгега арзонлашди. Бир АҚШ долларининг ўртача курси 435,92 тенгени ташкил этади.
Миллий банкнинг 14 июндаги расмий курсига кўра, 1 доллар 436,18 тенге.
Kurs.kz маълумотларига кўра, Алматидаги айирбошлаш шохобчаларида долларнинг сотув курси 434,89 тенге, сотиб олиш 439 тенгени ташкил қилмоқда.
Нур-Султанда сотиш нархи 434,97 тенге, сотиб олиш нархи эса 437,15 тенге.
Муаллиф: Алма Муқанова