Бублик, Вавринка, Тим, Корда Астанадаги жаҳон теннис турнирида иштирок этади

ASTANА. Кazinform – Шу кунларда Қозоғистон пойтахти теннис бўйича АТP тоифасидаги энг йирик турнирлардан бирини ўтказишга ҳозирлик кўрмоқда. Таниқли теннисчилар жаҳон миқёсидаги мусобақада иштирок этиши режалаштирилган, деб хабар беради Кazinform.

Қозоғистон Республикаси Теннис федерацияси маълумотларига кўра, бир қатор спортчилар мамлакатда бўлиб ўтадиган йирик мусобақада иштирок этишларини тасдиқлади. Улар:

- АТP рейтингида 26-ўринни эгаллаган Қозоғистоннинг биринчи ракеткаси, яқинда Германиянинг Галле шаҳрида якунига етган АТP 500 турнири ғолиби Александр Бублик;

- Швейцариялик Стен Вавринка, «Катта дубулға» йўналиши бўйича учта йирик турнир ғолиби, Олимпия чемпиони, АТP тоифасида 19 та турнир ғолиби, «Дэвис кубоги» ғолиби, дунёнинг собиқ учинчи ракеткаси;

- бир қатор йирик мусобақалар ғолиби, дунёнинг собиқ учинчи ракеткаси, австриялик Доминик Тим;

- Америкалик Себастьян Корда, ёшлар ўртасидаги «Катта дубулға» турнири ғолиби, ёшлар ўртасида дунёнинг собиқ биринчи ракеткаси, айни пайтда катталар ўртасида 32-ўринни эгаллаб турибди.

Эслатиб ўтамиз, АТP 250 тоифасидаги ASTANA OPEN турнири бу йил Астана шаҳрида учинчи бор ташкил этилади. Ушбу турнир аввалроқ мамлакатда 2020-2021 йилларда ўтказилган бўлса, ўтган йили Қозоғистон тенниси тарихида илк бор АТP 500 серияли мусобақаси ўтказилди.

Соврин жамғармаси 1 017 860 АҚШ долларини ташкил қилувчи турнир 26 сентябрдан 3 октябргача пойтахтдаги Миллий теннис марказида бўлиб ўтади.