«Ушбу фармон элон қилинган кундан бошлаб бутун республика ҳудудида уч кунлик расмий мотам эълон қилинди. Собиқ футболчи Эдсон Арантес ду Насименту - Пеленинг ўлимидан қайғу белгиси сифатида», - дейилади расмий хабарда.
Машҳур футболчи Пеле 82 ёшида вафот этди. 1940 йил 23 октябрда Бразилияда туғилган Эдсон Арантис ду Насименту ўз мухлисларига Пеле номи билан таниш.
У футболчилик фаолиятида уч марта жаҳон чемпионлигини қўлга киритган ягона футболчи.
Машҳур футболчи анчадан бери саратон касаллиги билан курашиб келган. Бу касаллик унинг танасида 2021 йилнинг кузида аниқланган.