Бейбит Жуқаев Мексикадаги турнирнинг чорак финалига йўл олди

ASTANА. Кazinform — Дунё рейтингида 215-ўринни эгаллаб турган қозоғистонлик теннисчи Бейбит Жуқаев Морелия (Мексика) челленжер турнирининг чорак финалига йўл олди.

Қозоғистонлик теннисчи иккинчи даврада дунёнинг 176-ракеткаси бразилиялик Фелипе Мелигени Алвесни мағлуб этди.

Биринчи партияда Бейбит тай-брейкда маҳорат кўрсатди – 7:6 (7:5).

Иккинчи сетда ҳисоб 3:3 бўлган пайтда Жуқаев брейк қилди ва устунлигини сақлаб қолди - 6:4.

Қарийб икки соат давом этган шиддатли баҳсда қозоғистонлик спортчи 13 та эйс ва 3 та брейк-пойнтдан биттасини фойдаланди. Бразилиялик теннисчи 6 та эйс ишлатди, бироқ 4 брейк-пойнтни фойдалана олмади.

Ярим финалга чиқиш учун Бейбит Жуқаев дунё рейтингида 172-ўринни эгаллаб турган швейцариялик Марк-Андреа Хюслерга қарши кортга чиқади.

Соврин жамғармаси 200 000 долларни ташкил қилувчи Морелия турнири 30 март куни якунланади. Мусобақа ғолиби 25,4 минг доллардан ташқари 125 рейтинг очкосига эга бўлади.

Б.Жукаев айни дамда ATP Live рейтингида 205-ўринни эгаллаб турибди.

Эслатиб ўтамиз, аввалроқ Тимофей Скатов Испаниядаги турнирни муваффаққиятли бошлагани ҳақида хабар берган эдик.