Бейбит Жуқаев Буюк Британиядаги асосий мусобақага йўлланма олди

ASTANА. Кazinform – Қозоғистонлик, дунёнинг 193-ракеткаси Бейбит Жуқаев Илкли (Буюк Британия) шаҳрида бўлиб ўтаётган челленжер турнирининг саралаш баҳсларини муваффақиятли якунлади.

Дастлаб қозоғистонлик теннисчи қарийб икки соат давом этган баҳсда дунё рейтингида 177-ўринни эгаллаб турган Жайме Фарияни мағлуб этди - 6:3, 6:7 (5:7), 6:1. Ушбу мусобақада Бейбит 17 эйс билан ажралиб турди.

Бейбит Жуқаев саралаш баҳслари финалида яққол устунлик билан дунёнинг 190-ракеткаси бельгиялик Йорис Де Лорени ютди - 6:3, 6:1. Бир соатдан ортиқ давом этган ўйин давомида қозоғистонлик спортчи 6 эйс ва 5 та брейк-пойнтни фойдаланди.

Шу тариқа, Б.Жуқаев соврин жамғармаси 148 625 еврони ташкил этадиган асосий мусобақага йўлланма олди.

Мазкур мусобақа ғолиби 20,3 минг евро ва 125 рейтинг очкосига эга бўлади. Бу ерда 1-ракетка сифатида дунёнинг 82-ракеткаси, франциялик Уго Гастон қайд этилган. Шунингдек, дунёнинг 135-ракеткаси қозоғистонлик Михаил Кукушкин ҳам иштирок этади. У биринчи даврада 243-ўринни эгаллаб турган британиялик Чарльз Брумни ютишга ҳаракат қилади.

Б.Жуқаевнинг рақиби кейинроқ аниқланади.

Қозоғистоннинг биринчи ракеткаси Александр Бублик ўтган йили ушбу турнирнинг яккалик баҳсларида ғолиб чиққан эди. Бу йил ушбу унвонни ҳимоя қиладитган А.Бублик ўзининг илк учрашувини 100-ўринни эгаллаб турган австралиялик Макс Пёрселга қарши ўтказади.