Баҳодир Жалолов ва Дэвид Спильмонт face to face маросимида иштирок этди

TASHKENT. Kazinform – Ўзбекистонлик боксчи Баҳодир Жалолов 7 февраль тонгида Канаданинг Монреаль шаҳрида ташкил этиладиган оқшомда ўзининг навбатдаги жангини ўтказади, деб хабар беради Kazinform ЎР профессионал бокс федерациясига таяниб.

Унга ўша куни франциялик Дэвид Спильмонт рақиблик қилади. Боксчилар жанг олдидан илк стердаунда иштирок этишди.

Маълумот учун, Супер оғир вазн тоифасидаги боксчи, икки карра Олимпиада чемпиони Баҳодир Жалолов профессионал фаолияти давомида ҳозирга қадар 14 та жанг ўтказиб, уларнинг барчасида ғалаба қозонган. Дэвид Спильмонт эса шу кунгача 25 та жанг ўтказиб, 16 ғалаба, 8 мағлубият ва 1 та дуранг қайд этган. Ғалабаларининг 11 тасини нокаут орқали қўлга киритган.

 

 

Эслатиб ўтамиз, аввалроқ Баҳодир Жалолов 6 февраль куни Канадада жанг қилиши ҳақида хабар берган эдик.