Бу йилги конференция “Янги Конституция – таълим тизимининг стратегик асоси” мавзусига бағишланган.
Бугунги йиғилишда ўтган ўқув йили якунлари сарҳисоб қилинади, таълим соҳасидаги долзарб масалалар муҳокама қилинади ва янги ўқув йили учун асосий устуворликлар аниқланади.
Таълим соҳасига сунъий интеллект ва рақамли технологияларни жорий этишга бағишланган конференция доирасида “Таълимнинг келажаги” номли кенг кўламли кўргазма ўтказилмоқда. Иштирокчиларга рақамли воситалар, интерактив платформалар, методологик ишланмалар ва ўқув жараёнини мослашувчан ва самарали ташкил этишнинг янги усулларини намойиш этувчи технологиялар тақдим этилди.
Дастурда шунингдек, ўқитувчилар иштирокида пленар мажлис ва тақдирлаш маросими ҳам ўрин олган.
Конференция иштирокчилари таълим тизимини ривожлантириш, ўқув жараёнига рақамли технологиялар ва сунъий интеллектни жорий этиш, ўқитувчиларни янги талабларга мувофиқ тайёрлаш, шунингдек, рақамли муҳитда болаларни ўқитиш ва хавфсизлиги масалаларини муҳокама қиладилар.