Астана шаҳрининг 25 йиллиги шарафига 100 тенгелик монета муомалага чиқарилди
15:55, 01 Июль 2023
ASTANА. Каzinform – Қозоғистон Миллий банки 1 июль куни пойтахтнинг юбилейи муносабати билан «Унутилмас воқеалар ва бетакрор инсонлар» туркумидан «ASTANA. 25 JYL» номли коллекцион тангалар муомалага чиқарилади, деб хабар беради Каzinform.
Миллий банк маълумотларига кўра, тангалар 3 июлдан Миллий банк интернет-дўкони орқали сотилади.
«ASTANA. 25 JYL» тангалари МН 25 мельхиор қотишмасидан тайёрланган. Оғирлиги - 15 грамм, диаметри - 33 мм, ишлаб чиқариш сифати - ёрқин айланма, номинал - 100 тенге, нусхаси - 20 000 дона.
Коллекцион тангалар Қозоғистон Республикасининг бутун ҳудудида тўловнинг барча турлари учун белгиланган қиймати бўйича қабул қилиниши, шунингдек, мамлакатнинг барча банкларидаги банк ҳисобварақларига ўтказилиши, майдаланиши ва алмаштирилиши мумкин.
Коллекцион тангалар Қозоғистон зарбхонасида ишлаб чиқарилган.