Араб давлатлари ТИВ раҳбарлари Ғазодаги вазиятни муҳокама қилиш учун Россияга борди
Саудия Арабистони ташқи ишлар вазири Файсал ибн Фархон ал-Сауд бошчилигидаги Ислом ва араб мамлакатлари ТИВ раҳбарлари Яқин Шарқдаги вазиятни муҳокама қилиш учун Россияга ташриф буюрди. Бу ҳақда Саудия Арабистони ташқи ишлар вазирлигининг X (Twitter) ижтимоий тармоғидаги расмий аккаунтида маълум қилинди, деб хабар беради Kazinform.
Фото: twitter.com/KSAmofaEN
Делегация Россия Федерацияси Ташқи ишлар вазири Сергей Лавров билан Ғазодаги ўт очишни тўхтатиш ва Яқин Шарқдаги вазиятни муҳокама қилади.
Фото: twitter.com/KSAmofaEN
Аввалроқ Саудия Арабистони Ташқи ишлар вазири Файсал Ибн Фархон Ал-Сауд Араб-Ислом саммитини ташкил этиш учун масъул қўмита ўз ишини бошлаганини маълум қилганди. Қўмитага Ғазода ўт очишни тўхтатиш бўйича ҳаракатларни ишлаб чиқиш вазифаси юклатилган. Шу мақсадда араб ва ислом давлатлари ташқи ишлар вазирлари Хитойга, кейин эса бошқа давлатларга ташриф буюриши айтилди.
Кейинроқ араб ва ислом давлатлари ташқи ишлар вазирлари мазкур давлат ташқи ишлар вазири Ван И билан Фаластин-Исроил можаросини муҳокама қилгани хабар қилинганди.
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы