— Менимча, сунъий интеллект бутун инсоният учун хавф туғдириши мумкин, — деди Амодеи.
Унинг сўзларига кўра, сунъий интеллект жуда тез ривожланмоқда. Агар атиги тўрт йил олдин бу технологиялар бир неча қатор код ёзиш ва ўрта мактаб ўқувчилари учун математик масалаларни ечиш даражасида бўлган бўлса, энди сунъий интеллект коднинг катта қисмини Anthropicда ёзади ва илгари ечиб бўлмайдиган деб ҳисобланган мураккаб математик масалаларни ечади.
Амодеи ҳозирги ривожланиш суръати давом этса, сунъий интеллект кейинги бир-икки йил ичида ёки ундан ҳам олдинроқ "маълумотлар марказидаги даҳолар мамлакати" деб таърифлаган даражага етиши мумкинлигини таъкидлади.
Anthropic раҳбарининг сўзларига кўра, илғор АI моделлари инсониятга катта фойда келтириши мумкин, аммо улар жиддий хавфлар билан ҳам боғлиқ. У иккита асосий хавфни айтиб ўтди. Биринчиси, сунъий интеллектдан нотўғри фойдаланиш, жумладан, биотеррорчилар томонидан биологик қурол яратиш учун фойдаланиш. Иккинчиси, технологиялар устидан назоратни йўқотиш хавфи.
Амодеи Anthropic томонидан ишлаб чиқилаётган АI технологияларининг хавфсизлигини таъминлаш учун "ривожланишни заруратга қараб секинлаштиришга" тайёр эканлигини айтди.
У шунингдек, АI билан боғлиқ муаммоларни фақат битта компания ҳал қила олмаслигини таъкидлади. Унинг фикрича, бу бутун саноат ва халқаро миқёсда қўшма ёндашувни талаб қилади.
Эслатиб ўтамиз, Anthropic тадқиқотчисининг айтишича, сунъий интеллект инсониятни йўқ қилиши мумкин.