Қозоғистонлик ўқувчилар робототехника бўйича халқаро чемпионатда ғолибликни қўлга киритди

ALMATY. Kazinform - Алмати шаҳрининг ўқувчилари Хитойда робототехника бўйича ўтказилган халқаро чемпионатда совринли ўринларни эгаллади.

Гуанчжоу шаҳрида China FTC Guangzhou Offseason Event халқаро робототехника чемпионати бўлиб ўтди.

Мусобақада 200 дан ортиқ ўқувчи иштирок этди, шу жумладан Қозоғистондан иккита жамоа аъло натижаларни кўрсатди.

Фото: Алматы әкімдігі

Алмати шаҳридаги Назарбаев Интеллектуал мактабининг кимё-биология «PID» жамоаси Motivate Award мукофотини қўлга киритди.

Жамоа таркибида 10-12-синф ўқувчилари - Асилбек Қанибекули, Қанат Парпиев, Нурқасим Хафиз, Арсен Омаров, Арлан Қосан, Аянат Туматова, Айсулу Қидиралиқизи, Али Елтай, Мирас Бекетбай ва Олжас Аманкелдин.

Фото: Алматы әкімдігі

Шунингдек, Таълим ва инновация лицейининг «Queue» жамоасига Perseverance Award мукофоти топширилди.

Жамоа таркибида 10-11-синф ўқувчилари – Аскер Ерсай, Ерталап Адилхан, Ерсултан Мэлс, Манас Есенули ва Алдияр Ихсановлар чиқиш қилдилар.

Эслатиб ўтамиз, жамоалар ҚР Таълим-маориф вазирлиги кўмагида Марказий Осиё чемпионати доирасида Хитой чемпионатига йўлланма олди.

Чемпионатдаги ғалаба ўқувчиларга жаҳон олий таълим муассасаларида грантлар олиш имконини беради.

Муаллиф: Алма Муқанова