Алматида LRT, BRT ва метро қурилиши қандай кетмоқда

ALMATY. Kazinform - Алматида BRT қурилиши 2024 йилда бошланади. Бу ҳақда шаҳар кенгаши сессиясида маълум бўлди.

Шаҳар мобиллик бошқармаси бошлиғи Сағиндиқ Телибаев ўтган йил декабрь ойида транспорт тузилмасини ривожлантиришнинг бош режаси тасдиқланганини таъкидлади. Унинг асосий йўналишларидан бири LRT, BRT метроларини қуришдир.

Айни пайтда “Қалқаман” метро бекати қурилиши бўйича ишлар олиб борилмоқда, кейинчалик метрони “Барлиқ” бозоригача узайтириш ва яна 3 та янги бекат қуриш режалаштирилган.

“Бу йил биз Райимбек шоҳ кўчаси бўйлаб BRTнинг биринчи қисмини қуришни бошлаймиз. Қурилиш Тимирязев кўчасидан Желтоксан кўчаси бўйлаб Райимбек шоҳ кўчасигача бўлган масофани қамраб олади. Шунингдек, Тўла би кўчаси бўйлаб LRT қурилишининг техник-иқтисодий асослари ишлаб чиқилмоқда. Бу лойиҳаларнинг амалга оширилиши жамоат транспорти ривожига ижобий таъсир кўрсатади, шаҳар аҳолиси учун транспорт ҳаракати янада қулай бўлади”, - дейди Сағиндиқ Телибаев.

Муаллиф: Алма Муқанова