Александр Недовесов Португалиядаги турнирнинг чорак финалига чиқди

ASTANА. Кazinform — Қозоғистоннинг жуфтлик баҳсларидаги биринчи, дунёнинг 44-ракеткаси Александр Недовесов Эшторил (Португалия) АТP 250 турнирининг чорак финалига чиқди.

Мусобақанинг 4-ракеткаси сифатида рўйхатдан ўтган А.Недовесов ва эквадорлик Гонсало Эскобар биринчи босқичдан осон ўтишди.

Қозоғистон-Эквадор жуфтлиги аргентиналик Педро Качин - испаниялик Педро Мартинез жуфтлигини бир соатдан камроқ вақт ичида 6:3, 6:2 ҳисобида мағлуб этди. Гарчи улар эйсга эриша олишмаган бўлсалар-да, 8 та брейк-пойнтнинг бештасидан фойдаланишга муваффақ бўлишди. Аргентина-Испания жуфтлиги 1 эйс, 1 брейк (8 брейк-пойнт) билан чекланди.

Александр Недовесов ва Гонсало Эскобарнинг чорак финалдаги рақиблари кейинроқ аниқланади.

Ўтган ҳафтада Жиронада (Испания) ўтказилган челленжер турнирида А.Недовесов - Г.Эскобар ғалаба қозонди.

Эслатиб ўтамиз, Бейбит Жуқаевнинг Мехикодаги мусобақани 19 та эйс билан бошлагани ҳақида хабар берган эдик.