Александр Недовесов Истборндаги мусобақанинг чорак финалига чиқди

ASTANA. Кazinform – Қозоғистоннинг жуфтлик баҳсларидаги биринчи, дунёнинг 51-рақамли ракеткаси Александр Недовесов Буюк Британияда бўлиб ўтаётган Истборн АТP 250 турнирининг чорак финалига чиқди, деб хабар беради Кazinform мухбири.

Қозоғистонлик теннисчи эквадорлик Гонсало Эскобар билан бирга илк учрашувини швециялик Андре Горанссон ва япониялик Бен Маклахланга қарши ўтказди.

Биринчи партияда швед-япон жуфтлиги тай-брейкда муваффақиятли ўйнади – 7:6 (7:4). Гарчи улар иккинчи сетда ғалаба қозониш имкониятига эга бўлишса-да, ундан фойдалана олишмади.

Бироқ А.Недовесов ва Г.Эскобар ҳисобни ўзгартиришга муваффақ бўлди - 7:6 (12:10). Кейин супер тай-брейкда рақибларига имконият қолдиришмади - 10:5.

Икки соатдан ортиқ давом этган беллашувда Қозоғистон-Эквадор жуфтлиги 8 та эйс ва 4 та брейк-пойнтдан 1 тасини қайд этди. А. Горанссон - Б. Маклахлан 7 та эйс, 1 та брейк билан ажралиб турди.

А.Недовесов ва Г.Эскобар ярим финалга чиқиш учун мусобақанинг 4-ракеткалари хорватиялик Никола Мектич ва Мате Павич билан куч синашади.

Эслатиб ўтамиз, аввалроқ Анна Данилина Истборн турнирининг чорак финалига чиққани ҳақида хабар берган эдик.

Муаллиф: Ғайсағали Сейтақ