Александр Недовесов Испаниядаги турнирнинг чорак финалига йўлланма олди

ASTANA. Kazinform - Қозоғистоннинг жуфтлик баҳсларидаги биринчи, дунёнинг 46-ракеткаси Александр Недовесов Жирона (Испания) шаҳрида челленджер турнирининг чорак финалига йўлланма олди.

Мусобақанинг 1-ракеткаси сифатида қайд этилган А.Недовесов ва эквадорлик Гонсало Эскобар дастлабки учрашувни швед Филип Бергеви-нидерландиялик Мик Велдхеер билан ўтказди. Қозоғистон – Эквадор жуфтлиги бир ярим соат давом этган баҳсда 6:3, 4:6, 10:3 ҳисобида зафар қучди. Улар 3 та эйс билан бирга 4 та брейк-пойнтнинг ярмидан фойдаланди.

А.Недовесов – Г.Эскобар ярим финалга чиқиш учун германияликлар Якоб Шнайттер – Марк Валлнер билан беллашади.

Яна бир қозоғистонлик, дунё рейтингида 184-ўринни эгаллаб турган Денис Евсеев яккалик баҳсларида саралаш баҳсларидан муваффақиятли ўтди, бироқ асосий баҳсда 300-ўринни эгаллаб турган испаниялик Хавьер Косано Барранкога имкониятни бой берди – 0:6, 6:0, 2:6.

Эслатиб ўтамиз, аввалроқ Майамида Елена Рибакина ғалаба қозониб, ярим финалга чиққани ҳақида ёзган эдик.