Александр Бублик Монпелье турнирининг ярим финалига чиқди

ASTANA. Kazinform – Қозоғистоннинг биринчи, жаҳоннинг 27-ракеткаси Александр Бублик Монпельеда (Франция) ўтказилаётган АТР 250 турнирининг ярим финалига чиқди.

Чорак финалда қозоғистонлик теннисчи ўз ҳамюрти, дунё рейтингида 59-ўринда бораётган Александр Шевченко билан куч синашди.

Бу қозоғистонлик теннисчилар ўртасидаги илк учрашув бўлди.

Биринчи партияда Шевченко 6:4 ҳисобида ғалаба қозонган. Кейинги партияларда Бублик олдинга чиқиб олди - 6:3, 6:4.

Икки соатдан ортиқ давом этган баҳсда А.Бублик 15 та эйс амалга оширди ва 9 та брейк-пойнтдан 4 тасидан фойдалана олди. Шевченко 3 та эйс, 3 брейк (8 брейк-пойнт) билан чекланди.

Александр Бубликнинг ярим финалдаги рақиби кейинроқ аниқланади.