Александр Бублик Бельгиядаги турнирнинг чорак финалига чиқди

Қозоғистоннинг биринчи, дунёнинг 36-ракеткаси Александр Бублик Антверпенда (Бельгия) ўтказилаётган АТР 250 турнирининг чорак финалига чиқди, деб хабар беради Kazinform агентлиги мухбири.

Мусобақанинг 3-ракеткаси сифатида қайд этилган ва чиқишни иккинчи даврадан бошлаган қозоғистонлик теннисчи дунё рейтингида 72-ўринни эгаллаб турган франциялик Грегуар Баррерга билан баҳслашди.

Дэвис кубогини ҳисобга олмаганда, олдинги ўйинларда кетма-кет олти марта мағлуб бўлган А.Бубликка ғалаба керак эди. Бу сафар у 1 соат 7 дақиқа давом этган баҳсда рақибини 6:4, 6:2 ҳисобида мағлуб этди. Мусобақа давомида Бублик 11 та эйс амалга оширди ва барча 3 та брейк-пойнтдан фойдаланди.

Александр Бублик ярим финалга чиқиш учун яна бир франциялик, рейтингда 226-ўринни эгаллаб турган 20 ёшли Жованни Мпетчи Перрикар билан беллашади.

Қозоғистонлик теннисчи жуфтлик баҳсларида ҳам россиялик Александр Шевченко билан бирга ярим финалга чиқишга ҳаракат қилади. Уларнинг рақиблари - турнирнинг 3-ракеткаси, британиялик Ллойд Гласспул ва монаколик Хьюго Нис.

Антверпен мусобақасининг 673 630 еврога баҳоланган соврин жамғармаси 22 октябрь куни якунланади.

 

Муаллиф: Ғайсағали Сейтақ