АҚШ миллий темир йўл оператори Аmtrak маълум қилишича, Лос-Анжелесдан Чикагога кетаётган «Southwest Chief» йўловчи поезди Мендон яқинидаги темир йўл кесишмасида юк машинасига бориб урилган.
Ҳодиса оқибатида 7 та вагон ва 2 та локомотив рельсдан чиқиб кетган. Воқеа жойига Миссури штатининг фавқулодда экипажлари жўнатилган.
Йўл-патруль хизмати ходимлари тўқнашув оқибатида поезддаги икки киши ҳалок бўлганини ва юк машинасида бир киши ҳалок бўлганини тасдиқлади. Поездда бўлган 243 йўловчи ва 12 экипаж аъзосидан камида 50 киши жабрланган.