Ҳодиса Санта-Ана шаҳридаги Professional Sports Authenticator (PSA) компанияси офиси яқинида содир бўлган. Полиция маълумотларига кўра, ўғирланган юзлаб карталарнинг умумий қиймати 963 минг долларни ташкил этади.
Ўғирланган карталар АҚШнинг турли ҳудудларидан келган коллекционерларга тегишли бўлган. Улар карталарнинг асллигини текшириш ва бозор қийматини аниқлаш учун уларни PSA компаниясига топширганлар.
Жумладан, Sky-B Cards тахаллуси билан танилган коллекционернинг икки йил давомида тўплаган 104 та картаси ҳам ўғирланган. У карталарни баҳолатиш учун PSA компаниясига 8 минг доллардан ортиқ пул тўлаган. Унинг коллекцияси 150 минг доллардан ортиқ суммага суғурталанган.
Гумонланувчилар ҳозирча аниқланмаган. Полиция ҳодиса юзасидан тергов олиб боряпти.