Бу ҳақда АҚШ Молия вазири Скотт Бессент маълум қилди. Дастлаб икки давлат ўртасидаги келишувларнинг амал қилиш муддати 10 ноябрда тугаши керак эди.
Баёнот Хитой Халқ Республикаси Раиси Си Цзиньпиннинг АҚШга ташрифи арафасида янгради. Президент Дональд Трамп хитойлик етакчини Мэриленд штатидаги Эндрюс қўшма ҳарбий базасида шахсан кутиб олди. Си Цзиньпин мамлакатга уч кунлик ташриф билан келган.
Материал эълон қилинган пайтда Хитойнинг Вашингтондаги элчихонаси савдо сулҳини узайтириш бўйича келишувни расман изоҳламаган.
Си Цзиньпин ёзма мурожаатида Хитой ва АҚШ рақиблар эмас, ҳамкорлар бўлиши кераклигини таъкидлади. Бироқ мурожаатда янги савдо келишуви ҳақида сўз юритилмаган.
Савдо сулҳининг узайтирилишига қарамай, икки давлат ўртасида қатор масалалар бўйича келишмовчиликлар сақланиб қолмоқда. Жумладан, камёб ер металлари ва компьютер чиплари экспортига чекловлар, Тайвань масаласи ҳамда Пекиннинг Эрон билан муносабатлари шулар жумласидандир.
Савдо сулҳининг узайтирилиши Вашингтон ва Пекинга кенгроқ савдо келишуви бўйича музокараларни давом эттириш учун қўшимча вақт беради.