Визаларни бекор қилиш 2016-2026 йиллар оралиғида берилган ва бошпана сўраган ёки ҳозирда бошпана сўраётган B1 ва B2 тоифасидаги виза эгаларига тааллуқли бўлади.
B1 визалари одатда хизмат сафарига бораётган шахсларга, B2 визалари эса сайёҳларга ёки АҚШга қариндошларини кўриш ёхуд тиббий ёрдам олиш учун келаётган хорижликларга берилади.
Визаларни бекор қилиш ҳақидаги қарор Давлат департаменти томонидан Миллий хавфсизлик вазирлиги (DHS) билан келишилган ҳолда «яқин ҳафталар ичида» расман эълон қилиниши кутилмоқда.
B1 ва B2 визаларини олиш учун ариза берувчилар амалдаги тартибга мувофиқ АҚШда бошпана сўрамасликларини тасдиқлаши ва ўз мамлакатларига қайтиш нияти борлигини исботлаши керак.
Дональд Трампнинг иккинчи президентлик муддати бошланганидан буён Давлат департаменти жиноий фаолияти учун судланган ёки айбланган шахсларнинг, шунингдек, АҚШ сиёсатига оммавий равишда қарши чиққан шахсларнинг қарийб 175 мингта визасини бекор қилган.