Тадбирда Теҳронда аккредитациядан ўтган хорижий дипломатик миссиялар ва халқаро ташкилотлар раҳбарлари, абайшунос олимлар, зиёлилар ва оммавий ахборот воситалари вакиллари иштирок этди.
Семинарнинг очилишида ИҲТ Маданият институти президенти Муҳаммад Ҳасан Абайнинг ижодини юқори баҳолади ва унинг маънавий мероси ИҲТга аъзо давлатларнинг умумий манфаати эканлигини таъкидлади.
Қозоғистоннинг Эрондаги элчиси Ўнталап Оналбаев “Буюк Абай ҳақида” мавзусида маъруза қилди ва Абайнинг буюк мутафаккир, шоир, маърифатчи ва янги қозоқ миллий адабиётининг асосчиси сифатидаги ролига эътибор қаратди.
— Элчи ўз нутқида Абайнинг таълим, меҳнат, ҳалоллик, миллий бирлик ва адолатли жамият яратиш ҳақидаги ғояларининг алоҳида аҳамиятини таъкидлаб, улар замонавий даврда ҳам ўз долзарблигини йўқотмаганлигини таъкидлади, — дейилади хабарда.
Шунингдек, Абай меросининг халқаро аҳамиятига алоҳида эътибор қаратилди. Шоирнинг асарлари кўплаб тилларга, жумладан, форс тилига таржима қилингани ва Шарқ адабиёти унинг ижодининг муҳим манбаларидан бири бўлгани таъкидланди. Қозоғистон Абайни жаҳон ҳамжамиятига умуминсоний аҳамиятга эга шахс сифатида муносиб тарзда тақдим этиш устида иш олиб бормоқда.
Семинар доирасида қозоқ, қирғиз, эрон ва ўзбек олимлари Абай ижоди ва меросининг турли жиҳатлари бўйича маърузалар қилишди. Иштирокчиларга унинг бой маънавий мероси ҳақида видео ҳам намойиш этилди.
Эслатиб ўтамиз, Қозоғистонда Абай исмли 19 мингга яқин одам бор.