«Жорий йилнинг январ-март ойларида 16 837 нафар Россия фуқароси Қозоғистонда вақтинчалик яшаш учун рухсатнома олди. Қизилўрда вилоятига кўпчилик руслар келган. Бундан ташқари, 2116 нафар россиялик Алматида, 1677 нафари Ғарбий Қозоғистон вилоятида ва 1525 нафари Қостанай вилоятида», — дейилади хабарда.
Ички ишлар вазирлиги маълумотларига кўра, Россия Федерацияси фуқароларининг аксарияти (8217 киши) ишлаш учун келади.
Эслатиб ўтамиз, Қозоғистон фуқаролигини олиш учун Россиядан 170 нафар ва Украинадан 7 нафар фуқаро ҳужжат топширган.
Бундан ташқари, 48 нафар Россия фуқароси ва 10 нафар Украина фуқароси Нур-Султан шаҳрида яшаш ниятида экани маълум бўлди.
Муаллиф: Али Ибраев