13 ёшли Айару Алтинбек шахмат бўйича ўқувчилар ўртасида жаҳон чемпионига айланди
ASTANА. Кazinform — Перу пойтахти Лима шаҳрида классик шахмат бўйича ўқувчилар ўртасидаги жаҳон чемпионатида астаналик Айару Алтинбек олтин медални қўлга киритди.
Фото: Қозоғистон шахмат федерацияси
13 ёшгача бўлган ўсмирлар ўртасидаги беллашув якунланишига бир тур қолганида Астанадаги 9-сонли “Зерде” ихтисослаштирилган мактаби ўқувчиси А. Алтинбек муддатидан аввал ғолибликни қўлга киритди.
Энг юқори рейтинг очкосига эга (1868 ) шахматчи сўнгги турни муваффақиятли якунлаб, 9 ўйиндан 8,5 очко жамғарди.
Шундай қилиб, у кумуш медал соҳибидан 1,5 очко олдинда эди.
Айару ҳозирда гроссмейстер Антон Филиппов билан машғулот ўтказмоқда.
9 ёшгача бўлган болалар ўртасида Қостанай шаҳридаги 3-мактаб-гимназия ўқувчиси Иман Набиев (1636, рейтинг №8) бронза медалини қўлга киритди.
Фото: Қозоғистон шахмат федерацияси
Даулет Жақанов шогирди февраль ойидан бери беларуслик гроссмейстер Сергей Азаров қўл остида шуғулланмоқда.
Кумуш медаль соҳиби билан бир хил 7,5 очко жамғарган Иман унга фақат қўшимча кўрсаткичлар бўйича ютқазди.
Жаҳон чемпионатида Перу, Қозоғистон, Эквадор, Боливия, Мексика, Колумбия, Мўғулистон каби 26 давлатдан 1174 нафар ёш шахматчи иштирок этди.
Бекабат Узаков(Бегабат Ұзақов) Қазақстан Жазушылар одағының мүшесі, Ғ. Мүсірепов атындағы сыйлықтың лауреаты. Шығармалары 1987 жылдан бастап баспасөзде жарияланады. Бірнеше прозалық кітаптардың авторы. Ташкент мемлекеттік университетінің журналистика факультетін бітірген. Туындылары мен өмірбаяны Қазақстанда қазақ тілінен басқа тілдерде оқытатын мектептердің 7-сыныбына арналған “Қазақ тілі және әдебиетінде”, Өзбекстанда ЖОО-ларға арналған оқулықта оқытылуда. 2023 жылы жазушының 50 жасқа толуына орай “Биікке беттеген Бегабат” атты кітап жарық көрді. Қарақалпақстан, Өзбекстан, Қазақстан мерзімді басылымдарында қызмет еткен. 2021 жылдан бері “ҚазАқпарат” халықаралық ақпарат агенттігінде шығарушы редактор.