13 кишининг ўлими: Алматидаги хостелда асосан хорижликлар яшаган

Алматида ёнғин содир бўлган хостелдан эвакуация қилинганларнинг аксарияти хориж фуқаролари, дея хабар беради Kazinform мухбири.

Алмати шаҳри Фавқулодда вазиятлар департаменти бошлиғи Нурлан Атиғаевга кўра, эвакуация қилинганларнинг аксарияти хорижликлардир.

“Хостел маъмуриятининг маълумотларига кўра, ўзлари кўчага чиққанларнинг аксарияти Ўзбекистон, Қирғизистон ва Покистон фуқароларидир. Улар орасида қозоғистонликлар ҳам бор. Вафот этганларнинг шахси аниқланмоқда”, - деди у.

Бундан ташқари, департамент бошлиғи ёнғин чиққан хостелнинг очилганига бир ярим ой бўлганига эътибор қаратди.

“Уч қаватли уйнинг ертўласидан хостел очилган. Бу қонунга тубдан зиддир. Чунки ертўла одам яшаши учун мўлжалланмаган”, - дейди Нурлан Атиғаев.

Маълумки, ҚР Фавқулодда вазиятлар вазири Астанадан Алматига учиб кетди.