Жорий йилда республика автомобиль йўлларига интернет учун 487 та антенна ўрнатилади
ASTANA. Kazinform - Бу ҳақда Марказий коммуникациялар хизматида бўлиб ўтган матбуот анжуманида ҚР Рақамли ривожланиш, инновациялар ва аэрокосмик саноат вазирлиги Телекоммуникациялар қўмитасининг қўзғалмас алоқа лойиҳаларини мониторинг қилиш ва ривожлантириш бошқармаси бошлиғи Азамат Сериктаев маълум қилди, дея хабар беради Kazinform.
“Биринчи босқичда республика миқёсидаги автомобиль йўллари, иккинчи босқичда асосий вилоят йўллари қопланади. Республика бўйлаб жами 487 та антенна ўрнатилади. Республика йўлларига антенналар ўрнатиш ишлари жорий йилда бошланиб, 2026 йилдан бошлаб вилоят йўлларига ўтказиш режалаштирилган”, - деди Азамат Сериктаев.
Аввалроқ ҚР Рақамли ривожланиш, инновациялар ва аэрокосмик саноат вазирлиги раҳбари Жаслан Мадиев маҳаллий ижро ҳокимияти органлари антенналар қуриш бўйича лойиҳа-смета ҳужжатларини тайёрлаш ишларини бошлаганини маълум қилган эди. 110 дан ортиқ лойиҳа-смета ҳужжатлари бўйича ижобий эксперт хулосалари олинди.
