ЖЧ: Бугун олти нафар қозоғистонлик боксчи куч синашади

ASTANA. Kazinform – Бугун, 11 март куни Сербиянинг Ниш шаҳрида ўтказилаётган аёллар ўртасидаги жаҳон чемпионатининг учинчи кунида Қозоғистон миллий терма жамоасидан олти нафар боксчи куч синашади.

Уларнинг барчаси 1/8 финалда тўқнаш келади.

Қозоғистонликлардан: Виктория Графеева (60 кг) грециялик София Легаки билан, Аида Абикеева (63 кг) хитойлик Чжао Шуоюй билан, Жасмин Қизатова (66 кг) Кабо-Верде боксчиси Ивануса Морейра билан, Гулсая Ержан (81 кг) хитойлик Ван Сяоменг билан куч синашади.

1/16 финалда кениялик Нзивани мағлуб этган Алуа Балқибекова (50 кг) энди марокашлик Ясмин Мутакки билан рингга чиқса, илк учрашувда рақиби жанг қилишдан бош тортган Жайна Шекербекова (54 кг) мексикалик Ариадна Хиль Алонсо билан учрашади.

Шунингдек, илк жангида ўзбекистонлик Олтиной Сотимбоевани мағлуб этган қозоғистонлик Елдана Талипова (81 килограммдан юқори) энди 13 март куни сербиялик Сара Милковичга қарши рингга кўтарилади.

Қозоғистон терма жамоасидан яқин кунларда Назим Қизайбай (48 кг), Карина Ибрагимова (57 кг), Жасмин Қизатова (66 кг), Наталья Богданова (70 кг), Надежда Рябец (75 кг) рингга кўтарилади.