Жанубий Корея ва Сурия дипломатик муносабатлар ўрнатди
Бу Жанубий Корея ташқи сиёсатида муҳим воқеа бўлди. Мамлакат эндиликда Шимолий Кореядан ташқари барча БМТга аъзо давлатлар билан дипломатик алоқаларга эга.
“Ушбу воқеа Шимолий Корея билан яқин алоқалари туфайли Жанубий Корея билан алоқалари узилган Сурия билан ҳамкорликнинг янги саҳифасини очади”, — дейилади вазирлик баёнотида.
Музокаралар чоғида Чо Тхэ Ёль икки томонлама ҳамкорлик Сурия тараққиёти ва минтақада барқарорликни таъминлашга ҳисса қўшишига умид билдирди ва Жанубий Корея мамлакатни қайта қуриш жараёнини қўллаб-қувватлаш учун иқтисодий ўсиш бўйича ўз тажрибаси билан ўртоқлашишга тайёрлигини таъкидлади.
Жанубий Корея компанияларининг реставрация ишларида иштирок этиши ва инсонпарварлик ёрдами, жумладан, дори-дармон, тиббий асбоб-ускуналар ва гуруч етказиб бериш имкониятлари ҳам муҳокама қилинди.
Суриялик вазир Жанубий Кореяга таклифлари учун миннатдорчилик билдирди ва шунингдек, Сеул ўз мамлакатига қарши санкцияларни юмшатиш ҳаракатларини қўллаб-қувватлашига умид билдирди, деди вазирлик.
