Жанубий Африканинг бир қанча шаҳарлари сув остида қолди

PRETORIA. Кazinform - Жанубий Африка Республикаси пойтахти Претория ва мамлакатнинг аксарият йирик шаҳри Йоханнесбург кучли ёмғир туфайли сув остида қолди. Бу ҳақда сешанба куни News24 портали икки шаҳар муниципал ҳокимиятига таяниб хабар берди.

Маҳаллий ҳокимият маълумотларига кўра, пойтахтнинг Хамманскрал ва Бронхорстспруит туманлари қисман сув остида қолган. Аҳоли эвакуация қилинмоқда, қутқарувчилар сув тошқинини бартараф этиш учун ариқ қазишмоқда. Жабрланганлар муниципал бинолардаги вақтинчалик бошпаналарга кўчирилди.

Йоханнесбургда Юкскей дарёси тошиб, Дипслут, Клиптаун ва бошқа бир қанча аҳоли пунктларини сув босди.

Мамлакатнинг бошқа ҳудудларида ҳам бир неча кун тўхтовсиз ёмғир ёғди. Сув тошқини оқибатида саккиз киши ҳалок бўлди.