Жанибек Алимханули WBО чемпионлик камарини муваффақиятли ҳимоя қилди

ASTANA. Кazinform – Қозоғистонлик профессионал боксчи Жанибек Алимханули (12-0, 8 КО) британиялик Дензел Бентлини (17-1-1, 14 КО) мағлуб этиб, жаҳон чемпиони унвонини ҳимоя қилди, деб хабар беради Кazinform мухбири.

Ушбу жанг АҚШнинг Лас-Вегас шаҳрида бўлиб ўтди. Икки боксчи WBО йўналиши бўйича ўрта вазн тоифасида жаҳон чемпиони унвони учун тўқнаш келишди.

Жанг ўн икки раунд давом этди. Икки боксчи қийин кураш олиб борди. Улар бир-бирларини зарба беришга муваффақ бўлишди.

Ҳакамлар қарорига кўра, ғалаба Жанибек Алимханулига берилди. Шу тариқа у профессионал боксдаги ўн учинчи ғалабасига эришди.

Айтганча, қозоғистонлик боксчи ушбу версияга кўра ўрта вазн тоифасида жаҳон чемпиони ҳисобланади.

Ушбу унвоннинг собиқ соҳиби америкалик Деметриус Андраде (12-0, 8 КО) иккинчи ўрта вазн тоифасига ўтди. Шу муносабат билан ўрта вазнда жаҳон чемпиони унвони Жанибек Алимханулига берилди.

Жанибек Алимханули 1993 йил 1 апрелда туғилган. 2013 йилда ҳаваскор бокс бўйича жаҳон ва Осиё чемпиони бўлган, 2014 йилда эса Осиё ўйинларида ғолиб чиққан.

2016 йилдан буён у профессионал боксда иштирок этиб келади.

Фото: sports.kz

Муаллиф: Адилжан Умбет