Жанибек Алимханули "Канело" билан бўлажак жанги ҳақида баёнот берди

ASTANA. Kazinform – Қозоғистонлик боксчи Жанибек Алимханули (15-0, 10 КО) ўзининг промоутери Боб Арумни ўзи учун катта жанг ташкил этишга таклиф қилди, деб ёзади Sports.kz.

Алимханули Боб Арум ва Саудия Арабистони Кўнгилочар ишлар бош бошқармаси раиси Турки Ал-аш-Шайхнинг қўшма сурати ҳақида ўзининг Twitterдаги саҳифасида ўз фикрини билдирди.

"Мен кута олмайман! Умид қиламанки, сиз ҳамма нарсани ҳал қиласиз. Канеломи? Чарломи? Benavidesми?” – деб ёзди Жанибек.

Бунгача WBO ва IBF йўналишлари бўйича ўрта вазн тоифасида жаҳон чемпиони Жанибек Алимханули профессионал боксдаги асосий мақсади тўртта тоифада чемпион бўлиб, тарихда қолиш эканини айтган эди.

“Тўртта чемпионликни қўлга киритиш ва мутлақ чемпион бўлиш учун ҳамма нарсани қилишга тайёрман. Биз бутун дунёга машҳур бўлиш учун кўп меҳнат қилмоқдамиз ва бунинг учун қўлимиздан келганини қиламиз. Бу даражага чиқиш йўлида кучли, машҳур боксчилар билан жанг қилишим керак. Келажакда Канело Альварес ва Давид Бенавидес каби юлдузлар билан жанг қилишни режалаштирганмиз”, – деди Алимханули Boxingscene.com сайтига берган интервьюсида.