Жамбил вилоятида зилзила: фавқулодда вазиятлар бўйича штаб ишламоқда
TARAZ. Kazinform – 28 мартга ўтар кечаси Жамбил вилоятининг бир қатор туманлари ва Тараз шаҳрида зилзила қайд этилди.
Зилзиланинг юқори даражаси - 5 балл. Мерки тумани, Мерки қишлоғида қайд этилди. Турар Рисқулов туманининг Қулан қишлоғида зилзила кучи 4 балл, Тараз, Шу шаҳарларида ва Қордай, Мойинқум туманларида 2 баллни ташкил этган.
Турар Рисқулов туманидаги Қарақистақ қишлоғидаги Ойтал қишлоғидаги мактаб биноси, Мерки тумани шифохонаси деворида ёриқ пайдо бўлгани аниқланди. Бошқа объектлар ҳақидаги маълумотларга аниқлик киритилмоқда.
“Вилоят ҳокимининг топшириғига кўра, вилоят фавқулодда штаблари иш олиб бормоқда. Барча ҳаётни қўллаб-қувватлаш тизимлари нормал ишлайди. Қурбонлар ҳақида маълумотлар йўқ”, – дейди Жамбил вилояти ҳокимлиги матбуот хизмати.
Вилоят раҳбари Ербол Қорашўкеев вазият билан танишиш мақсадида Турар Рисқулов ва Мерки туманларида бўлди.
8(7262)513575 ишонч телефони ишламоқда.
Эслатиб ўтамиз, Қозоғистон ва Қирғизистон чегарасида 5 магнитудали зилзила содир бўлди. Ер силкинишлари 28 мартда Астана вақти билан 03:42 да қайд этилди.
