Жаҳон бозорида нефть нархи 121 доллардан ошди

NUR-SULTAN. TASS - Kazinform – Лондоннинг ICE биржасида август ойида етказиб бериладиган Brent маркали нефтнинг фьючерслари 2 фоизга ошди, деб хабар беради Kazinform ТАСС агентлигига таяниб.

Шу тариқа, жорий йилнинг 24 мартидан бери илк бор Brent нефтининг бир баррели 121 доллардан ошди.

Буни бугунги савдо маълумотлари тасдиқлайди.

Бугун Нур-Султан вақти билан соат 01.20 да Brent нархи 2,97 фоизга ошиб, баррели учун 121,21 долларни ташкил қилди.

01.36 да ушбу маркадаги нефт нархи 3,09 фоизга ошиб, 121,24 долларни ташкил қилди.

Шу билан бирга, жорий йилнинг июл ойида етказиб берилган WTI нефтининг фьючерслари 2,92 фоизга ошиб, баррели учун 120,28 доллардан ошди.