Зеленский Буюк Британия қироли Чарльз III билан учрашди

ASTANA. Kazinform – Украина президенти Владимир Зеленский Буюк Британия қироли Чарльз III билан учрашиш учун келди, деб хабар беради Anadolu ахборот агентлиги.

Учрашув Сандрингҳам қалъасида бўлиб ўтди. Бу ҳақда Британия ОАВлари хабар бермоқда.

Маълумотларга кўра, Зеленский саройга ҳарбий вертолётда келган.

Украина президенти Лондонда Европа Иттифоқи етакчиларининг саммитида иштирок этмоқда. У аввалроқ Буюк Британия бош вазири Кир Стармер билан музокаралар ўтказган.

Эслатиб ўтамиз, аввалроқ Украина Буюк Британиядан 3,2 миллиард доллар мудофаа кредити олгани ҳақида ёзган эдик.