Ўзбекистонда Миллий паралимпия қўмитаси ташкил этилди

TASHKENT. Kazinform – Ўзбекистонда Миллий паралимпия қўмитаси ташкил этилди. «Паралимпия ҳаракатини ривожлантиришга доир қўшимча чора-тадбирлар тўғрисида»ги тегишли фармон 18-май куни Ўзбекистон Президенти Шавкат Мирзиёев томонидан имзоланди, деб хабар беради Kazinform ЎзАга асосланиб.

Қўмита Ўзбекистон Миллий Паралимпия Ассоциацияси негизида тузилган. Паралимпия қўмитаси зиммасига Ўзбекистоннинг барча вилоят ва шаҳарларида паралимпия спорт марказлари ва клубларини ташкил этиш, мураббийлар, инструкторлар ва бошқа мутахассисларни қайта тайёрлаш, малакасини ошириш ва малакасини оширишнинг замонавий тизимини ишлаб чиқиш ва жорий этиш вазифаси юклатилган.

Мамлакатда Паралимпия спортлари институти ва Ўзбекистон давлат жисмоний тарбия ва спорт университетининг Паралимпия факультети ташкил этилади. «Паралимпия» кафедраси, шунингдек «Адаптив саломатлик, жисмоний тарбия ва спорт» йўналиши бўйича магистр даражаси очилади.

2021 йил 1 сентябрдан бошлаб Ўзбекистонда «Спорт ҳамма учун» лойиҳаси бошланади. Ҳар йили 3 декабр – Халқаро ногиронлар кунига бағишланган республика спорт фестивалини ўтказиш режалаштирилган.